विधान परिषदेच्या उपसभापती डॉ. नीलम गोऱ्हे यांनी PCMC मधील तळवडे येथील आग दुर्घटना स्थळाची केली पाहणी.
PCMC : धोकादायक आणि घातक पदार्थांमुळे अपघात होऊ शकतो अशा पदार्थांचा वापर आणि साठा करणाऱ्या PCMC औद्योगिक परिसरातील उद्योग व्यवसायांची तात्काळ माहिती संकलित करा, औद्योगिक क्षेत्रात सीसीटीव्ही यंत्रणा बसवा, असे निर्देश विधान परिषदेच्या उपसभापती डॉ. नीलम गो-हे यांनी दिले.
पिंपरी चिंचवड परिसरात तळवडे येथील कारखान्यात झालेल्या दुर्घटना स्थळाची विधान परिषदेच्या उपसभापती डॉ. नीलम गोऱ्हे यांनी पाहणी केली, त्यावेळी त्या बोलत होत्या.
यावेळी आमदार उमा खापरे, PCMC महापालिकेचे माजी नगरसेवक केशव घोळवे, शांताराम भालेकर, धनंजय भालेकर यांच्यासह अतिरिक्त आयुक्त प्रदिप जांभळे पाटील, उप आयुक्त मनोज लोणकर, सहायक आयुक्त सीताराम बहुरे, आपत्ती व्यवस्थापन प्रमुख ओमप्रकाश बहिवाल, विशेष अधिकारी किरण गायकवाड.
हे पण वाचा : PCMC NEWS; खेळाडू दत्तक योजनेचा महापालिकेला पडला विसर?
ज्येष्ठ वैद्यकीय अधिकारी डॉ. शिवाजी ढगे, उपअग्निशमन अधिकारी ऋषिकांत चिपाडे, औद्योगिक सुरक्षा संचलनालयचे संचालक देवीदास गोरे, सहसंचालक अखिल घोगरे, उपसंचालक योगेश पतंगे, तहसीलदार अर्चना निकम, पोलीस उपआयुक्त डॉ. काकासाहेब डोळे, सहायक आयुक्त पद्माकर घनवट आदी उपस्थित होते.
श्रीमती गोऱ्हे म्हणाल्या, तळवडे येथे घडलेली आगीची घटना अत्यंत दुर्दैवी आहे. घटनेतील जखमींच्या प्रकृतीत लवकर सुधारणा व्हावी यासाठी प्रयत्न सुरू आहेत. सरकार त्यांच्या पाठीशी उभे आहे, असे त्या म्हणाल्या.
कामगारांची सुरक्षा हा महत्त्वाचा प्रश्न असून औद्योगिक क्षेत्रात काम करणा-या सर्व कामगारांसाठी सुरक्षात्मक उपाययोजना असणे गरजेचे आहे. PCMC महानगरपालिकेच्या वतीने अग्नि सुरक्षा सर्वेक्षण सुरू आहे. PCMC परिसरातील औद्योगिक क्षेत्रात कोणत्याही प्रकारच्या दुर्घटना घडू नयेत.
या साठी तातडीने उपाययोजना करणे गरजेचे असुन धोकेदायक परिस्थितीमध्ये तसेच स्फोटकांचा वापर करणा-या उद्योगांची माहिती संकलित करण्याचे काम तातडीने पुर्ण करावे, अशा सूचना डॉ. गो-हे यांनी दिल्या. औद्योगीक क्षेत्रात सुरक्षात्मक उपाययोजनांची अंमलबजावणी काटेकोरपणे करण्यासाठी प्रशासकीय यंत्रणांनी औद्योगिक आस्थापनांना निर्देश द्यावेत, असे देखील डॉ. गो-हे यांनी या वेळी सांगितले.
हे पण वाचा : मावळचे खासदार श्रीरंग बारणे यांना लोकसभेच्या पीठासीन अधिकारी पदाचा बहुमान.
दरम्यान, तळवडे आग दुर्घटनेतील जखमी रूग्णांवर ससून रुग्णालयात उपचार सुरु आहेत. या रुग्णांना तसेच त्यांच्या नातेवाईकांना आवश्यक मदतीसाठी PCMC महापालिकेच्या वतीने ससून रुग्णालयामध्ये मदत कक्ष सुरु करण्यात आला आहे.
या मध्ये वैद्यकीय अधिकारी आणि २ मदतनीस यांची २४x७ नेमणूक करण्यात आली आहे, अशी माहिती आरोग्य वैद्यकीय अधिकारी डॉ. लक्ष्मण गोफणे यांनी दिली.
तळवडे PCMC, येथे मेणबत्ती बनवणाऱ्या कारखान्याला आग; ६ जणांचा होरपळून मृत्यू; ग्राउंड रिपोर्ट.
हे पण वाचा : –
- Pune Mumbai द्रुतगती मार्गावर ग्रॅन्टी बसविण्यासाठी ब्लॉक | Pune Mumbai Road Block
- पुणे में आतंकी मामले के बाद पूरे राज्य में एनआईए की बड़ी कार्रवाई! 10 आतंकियों की गिरफ्तारी.
