राष्ट्रवादी काँग्रेसच्या मुख्य पक्ष संघटनांवर विधानसभा निवडणुकीपूर्वी अनोख्या प्रचार कल्पनांसह मतदारांपर्यंत पोहोचण्याची जबाबदारी.

राष्ट्रवादी काँग्रेसच्या मुख्य पक्ष संघटनांवर विधानसभा निवडणुकीपूर्वी अनोख्या प्रचार कल्पनांसह मतदारांपर्यंत पोहोचण्याची जबाबदारी.

महाराष्ट्रातील अवघ्या काही महिन्यांवर येऊन ठेपलेल्या विधानसभा निवडणुकांसाठी राष्ट्रवादी युवक काँग्रेसची ‘वॉल स्वाक्षरी मोहीम’.

पिंपरी चिंचवड दिनांक:११ (पीसीसी न्यूज प्रतिनिधी) राष्ट्रवादी युवक काँग्रेसचे प्रदेशाध्यक्ष आणि पक्षाचे प्रवक्ते सूरज चव्हाण यांनी आज पिंपरी विधानसभा मतदारसंघात ठिकठिकाणी स्वाक्षरी मोहीम राबवली. विधानसभा मतदारसंघात ठिकठिकाणी मोठा पांढरा कॅनव्हास पसरवण्यात आला असून त्यावर लोककल्याणकारी योजनांच्या समर्थनार्थ स्वाक्षऱ्या केल्या आहेत. याआधी ५ सप्टेंबर रोजी महाराष्ट्र महिला आयोगाच्या अध्यक्षा आणि राष्ट्रवादी महिला आघाडीच्या प्रदेशाध्यक्षा यांनीही पुण्यात या मोहिमेचे आयोजन केले होते.पिंपरीत बंटी ग्रुप बिल्डिंगजवळ, डॉ.बी.आर. आंबेडकर चौक येथे ही स्वाक्षरी मोहीम राबवण्यात आली होती. ‘सर्व कल्याणकारी योजनांना माझा पाठिंबा आहे आणि पुढील पाच वर्षे या योजना अखंड चालू राहाव्यात अशी मनापासून इच्छा आहे.’ हा मंजकूर असलेल्या बोर्डवर हजारो नागरिकांनी स्वाक्षरी केली आहे. या वर्षीच्या अर्थसंकल्पात महत्वाकांक्षी माझी लाडकी बहीण योजना सुरू करण्यात आली आहे. ज्या अंतर्गत महिलांना १५०० रुपयांची आर्थिक मदत दिली जात आहे. या योजनेला महिलांचा मोठा पाठिंबा मिळाला आहे. १ कोटी ६० लाख पेक्षा जास्त लाभार्थ्यांना या योजनेचा हप्ता आधीच प्राप्त झाला आहे.

पिंपरी विधानसभा मतदारसंघातून मोहिमेचा शुभारंभ करताना सूरज चव्हाण म्हणाले, “राज्यातील सर्व विधानसभा मतदारसंघात स्वाक्षरी मोहीम राबविली जाणार असून, आगामी विधानसभा निवडणुकीसाठी पक्षाचे कार्यकर्ते आणि सर्व आघाडीच्या संघटना जोमाने तयारी करत आहेत. उपमुख्यमंत्री अजित पवार यांच्या नेतृत्वाखाली पक्ष या अनोख्या प्रचार संकल्पनांच्या माध्यमातून मतदारांशी जोडण्याचा प्रयत्न करत आहे. विद्यार्थी संघटना, सांस्कृतिक विभाग, सामाजिक न्याय विभाग आणि पक्षाचा अल्पसंख्याक विभागांसह इतर संघटनांवरही राज्यातील विविध विधानसभा मतदारसंघात या मोहिमेचं आयोजन करण्याची जबाबदारी सोपवण्यात आली आहे.

शासनाने राज्यात पाच प्रमुख योजना सुरू केल्या आहेत. माझी लाडकी बहीण योजना, अन्नपूर्णा योजना ज्या अंतर्गत ५२ लाख कुटुंबांना मोफत सिलिंडर, युवा कार्य प्रशिक्षण योजना ज्या अंतर्गत १० हजार रुपयांपर्यंत स्टायपेंड आणि सुशिक्षित बेरोजगार तरुणांना औद्योगिक प्रशिक्षण दिले जाणार आहे. मुख्यमंत्री बळीराजा वीज सवलत योजना, ज्या अंतर्गत ४४ लाख शेतकऱ्यांना मोफत वीज उपलब्ध करून दिली जाणार आहे आणि मुलींना मोफत शिक्षण देण्यासाठी मोफत शिक्षण योजना लागू करण्यात आली आहे.