लोकशाही प्रक्रियेत सहभागी झालेल्या सर्व घटकांचे राहुल भोसले यांचे मनःपूर्वक आभार

लोकशाही प्रक्रियेत सहभागी झालेल्या सर्व घटकांचे राहुल भोसले यांचे मनःपूर्वक आभार

पिंपरी-चिंचवड | प्रतिनिधी पिंपरी-चिंचवड महानगरपालिका सार्वत्रिक निवडणूक २०२६ ही शांततेत, शिस्तबद्ध व सकारात्मक वातावरणात यशस्वीपणे पार पडल्याबद्दल मा. विरोधी पक्षनेते तथा माजी नगरसेवक श्री. राहुलभाऊ हनुमंतराव भोसले यांनी सर्व मतदार बांधव-भगिनींचे मनःपूर्वक आभार व्यक्त केले आहेत.

लोकशाहीची मूल्ये जपत संविधानाने दिलेला मतदानाचा हक्क बजावणाऱ्या सुज्ञ मतदारांमुळे लोकशाहीची पायाभरणी अधिक मजबूत झाली असल्याचे त्यांनी सांगितले. तसेच निवडणूक प्रक्रिया पारदर्शक, सुरक्षित व विश्वासार्ह रीतीने पार पाडण्यासाठी अहोरात्र परिश्रम घेणाऱ्या निवडणूक प्रशासन, अधिकारी-कर्मचारी वर्ग व पोलिस यंत्रणेचे विशेष अभिनंदनही त्यांनी केले.

या संपूर्ण निवडणूक प्रक्रियेत विश्वासाने साथ देणारे ज्येष्ठ नेते, पदाधिकारी, कार्यकर्ते, सामाजिक संस्था, विविध संघटनांचे प्रतिनिधी, हितचिंतक व नागरिक यांचेही श्री. भोसले यांनी आभार मानले. त्यांच्या सहकार्यामुळेच ही लोकशाही प्रक्रिया अधिक प्रभावी ठरल्याचे त्यांनी नमूद केले.

मतदारांनी व्यक्त केलेला विश्वास हीच माझ्यासाठी सर्वात मोठी जबाबदारी आणि प्रेरणा असून, सर्व घटकांना सोबत घेऊन पारदर्शक विकास, समतोल प्रगती आणि लोकहितासाठी सातत्याने कार्यरत राहण्याचा ठाम संकल्प असल्याचे श्री. राहुल भोसले यांनी यावेळी स्पष्ट केले.