‘आशादीप’ विझला; स्वरसम्राज्ञी आशा भोसले अनंतात विलीन

‘आशादीप’ विझला; स्वरसम्राज्ञी आशा भोसले अनंतात विलीन

पिंपरी-चिंचवड, पुणे (प्रतिनिधी) | 12 एप्रिल 2026
भारतीय संगीतविश्वाला सुवर्णकाळ देणाऱ्या ज्येष्ठ आणि अष्टपैलू गायिका आशा भोसले यांचे निधन झाले. मुंबईतील ब्रीच कँडी रुग्णालयात त्यांनी अखेरचा श्वास घेतला. त्या ९२ वर्षांच्या होत्या. त्यांच्या निधनाने संगीतविश्वात शोककळा पसरली आहे.

आपल्या भावपूर्ण श्रद्धांजलीत आमदार अमित गोरखे (संस्थापक अध्यक्ष, कलारंग संस्था) यांनी म्हटले की, आशा भोसले या केवळ गायिका नव्हत्या, तर भारतीय संगीतसंस्कृतीचा जिवंत वारसा होत्या. त्यांच्या स्वरांनी अनेक पिढ्यांच्या भावना आणि आठवणींना आकार दिला.

“त्यांच्या जाण्याने एक युग संपले असून ही पोकळी कधीही भरून न निघणारी आहे,” असेही त्यांनी नमूद केले.

कलारंग संस्थेच्या वतीने आशा भोसले यांना भावपूर्ण श्रद्धांजली अर्पण करण्यात आली.